واش حكايتك يا الغدر ( للشاعر الشعبي رابح زعيط)

الشاعر العصامي رابح زعيط،،،،،،،،

واش حكايتك ياالغدر.
يالي تفرق بين لحباب،،،،،،
علاش ديما تدخل بين اللحم والظفر.
وتبعد بين الخاوة وبين لصحاب،،،،،،
تدخل بين الناس وتخسر.
وتزرع بيناتهم الشر وتخليهم يحصدو عذاب،،،،،،
واش نقول اي واش نهدر.
لوكان نكتب نألف الف كتاب،،،،،،،
ماظنيت رايح نقدر.
ونقول لك كامل واش راني حاب،،،،،،
انت الغدار تعرف تهدر.
وتقول كلام بزاف شباب،،،،،،،،
خليتني ديما محير.
ماعرفت الصح وماعرفت الصواب،،،،،،،،،
خليتني نشوف خروف طاير. وصدقت وقلت هداك غراب،،،،،،،،
ماعرفت ما جبت اخبر
. هكذاك خروف ولا يكون اغراب،،،،،،،،،
انت على الشر تعرف قادر.
تدي وتجيب والواد ما جاب،،،،،،،،،
كيفاش حكايتك ياالغدر.
وحسبت معاك الف حساب،،،،،،،،
نبات الليل دائما ساهر
نشوف فالطاقة ونشوف فالباب،،،،،،
نخاف كاش ماتزيد اتدبر.
هولتني معاك وراسي شاب،،،،،،،،
نوكل عليك الله القادر
ومانسمح ليك يوم الحساب،،،،،،،،،،