منتدى رابطة أدباء الضاد
مرحبا بزوار المنتدى الأعزاء.
إن كنتم أعضاء بالمنتدى فيمكنكم الدخول و إن كنتم زوارا فيمكنكم أن تصيروا أعضاء نشطين بالمنتدى فقط بالتسجيل.
مرحبا بالجميع.

الربيع معروف(رابح زعيط)

اذهب الى الأسفل

الربيع معروف(رابح زعيط)

مُساهمة من طرف رشيد بوكراع في الأحد سبتمبر 09, 2018 3:36 pm

الشاعر العاصمي رابح زعيط،،،،،، الربيع معروف بفصلو. لزهار نابتة في كل مكان ،،،
والخريف عندك تسمعلو. في ساعة يتغير بالف زمان،،،،،
والشتاء اعرف تلبسلو وخيرلو ولو بطرف كتان ، ،، ،
والصيف الكل يفرحلو مايحس الغلبان بروحو عريان،،،،،
كاين وكاين حالات تشوفها ف الانسان ،،،كاين الي ينكر اصلو بساعة فيها بدل لمكان ،،،
وكاين ولاتغيرت لبستو ينسى اهلو وينسى الجيران،،،،،
كل واحد كيف يشوف الدنيا ليه تحلو !!! ،،،،كاين اللي يشوف المال هو كل شي وبه يعيش فرحان،،،، ولا لبس سباط جديد يبدل امشيتو وهدي علامة على عقل الجيعان ،،،،
وكاين الي يتباهى بصحتو. ويشوف الضعيف منو خيفان ،،،،،،
تبان ليه هديك هي شطارتو يرد عليه بكلامو زعفان،،،،،،
كاين وكاين حلات في هد الزمان ،،،،!!!!!
كاين الي تخدم عليه مرتو ويطلبها تشريلو حتى الدخان،،،،،
ويقول العين لي صابتو ما يتحرك دايما فشلان،، ،،
وكاين بالكذب يعيش حياتو ويتكلم حتى فالنسوان،،،، مسكين هديك هي خدمتو النميمة والغيبة في وسط الجيران،،،،
وكاين الي بشانو ديما يعلو حتى بعد موتو يذكرو اللسان،،،، الفحل الي يحلل قوتو يعيش حياتو وعمرو مايتهان،،،،،،
الزمان يتغير والسوايع يفوتو بحال الفصول ماملكو المكان،،،،،
avatar
رشيد بوكراع
Admin
Admin

المساهمات : 289
تاريخ التسجيل : 29/08/2018

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى